感謝永遠有歌

很喜歡

玉的聯想

我問：「喂，係咪有隻歌... Jade...咩不得而la la la...往日... la la la 」
友人：「小姐，你咁la法，好難幫你架窩...」
我答: 「好似係溫碧霞(!?)唱架...」
友人：「..............」

哼哼哼我自己找，找極都找唔到...後來先發現，句歌詞係Jay唔係Jade，歌，劉美君唱；戲，溫碧霞做....!!!

本來想放呢隻歷盡艱辛找黎既午夜情，但由於我聽到某幾句總係笑左出黎，都係呢隻岩Feel d．

又又，劉美君果然係一代型女！正呀！

又又又，仲有個Live Piano Version，都好正！

唔該晒

一直唔鍾意過時過節, 因為會令人有得閑o既感覺.　人呢, 一得閑自然就八卦. 例如... 今晚有三個識o既加七個唔識o既男子, 一齊剖析我無男朋友o既原因.

我．真．係．唔．該．晒．佢．地．

仲要點呢隻歌比我聽．．．我忍得住無講粗口，我覺得真係"我太强"囉

我太强 - 關心妍

救心四寶

的士內，收音機正播著一首舊歌，我不自覺的跟著唱，是一字／一音不漏地跟著唱出整首歌．

朋友問我歌名，我肯定地答　"許美靜的<明知故犯>"

原來攪錯了．是<傾城>才對．

以往每次鬧分手，這兩首不止是Must Sing，更一定是要孖住來唱．只唱其中一首，又或分開來唱，總覺意猶未盡，未能盡訴心中情．有時朋友任我發洩，我還會另加<鐵窗>及<遺憾>，一口氣連唱四歌，來個小型許美靜回顧．

已經好久沒有唱/聽過四寶，不知怎的，竟然懷念起那些需要它們的晚上．

傾城 - 許美靜